Charles mund të ketë pritur të paktën shtatë dekada për t’u bërë Mbret i Mbretërisë së Bashkuar, por atij nuk iu desh të priste vetëm disa orë për t’u bërë… viral.
Rasti ishte një moment mjaft “fatkeq” nga ceremonia e djeshme, kur, pak çaste para nënshkrimit të Deklaratës së Trashëgimisë – që shënon ngjitjen e tij zyrtare në fronin e Komonuelthit Britanik – monarku u “kap” nga kamerat duke bërë gjeste të nxituara dhe këmbëngulëse për ndihmësit e tij për të pastruar tavolinën, ku duhej të ulej dhe të firmoste dokumentet.
“The servant must clear my desk for me. I can’t be expected to move things.” pic.twitter.com/0pZqY2Xopq
— Laura Kuenssberg Translator (@BBCLauraKT) September 10, 2022
Gjërat që e “irrituan” në atë kohë ishin një kuti stilolapsi dhe një bojë, të cilat thuhet se ia dhanë djemtë e tij, princat William dhe Harry. Në video, mbreti Charles shihet duke treguar me vëmendje objektet, duke u kërkuar ndihmësve të tij që t’i largojnë ato menjëherë.
While signing documents during his proclamation ceremony, King Charles was seen urging his aide to remove a tray of pens from his desk https://t.co/UJvpABX28K pic.twitter.com/lSbnh9Ow1f
— Reuters (@Reuters) September 10, 2022
Sigurisht, ky moment u bë objekt i… komenteve epike në Twitter: “Shërbëtori duhet të më pastrojë tavolinën time. Ata nuk mund të presin që unë t’i lëviz gjërat”, tha njëri me shaka, ndërsa një tjetër shkroi: “Dita e parë në punë dhe tashmë i mërzitur. HAHAHA”.
Megjithatë, shikues të tjerë e përshkruan tavolinën e vogël përballë Charles si “shumë të vogël” për dokumentin e madh që duhej të firmoste, duke “falur” pjesërisht irritimin e tij.